Maia Villot de Diegoren lana kultura herrikoian dauden emakume boteretsuen irudikapen patriarkalen ingurukoa da. Ideia horren inguruan lan egiten hasi zen lehen proiektuetako bat Échale la culpa izan zen, femme fatal-en estereotipoa eta hondamendiaren ideia lotzen dituzten abestietatik abiatuta lan egiten duen performance sorta.

Gaur egun, artistak proiektu berri bati ekin dio, eta kultura patriarkaletik emakumeei eman zaien irudiarekin eta lekuarekin lotutako alderdiak lantzen jarraitzen du. Horretarako, hainbat diziplina jartzen ditu plano berean, hala nola eskultura, argazkia eta performancea.

Maia Villot de Diego artista eta komisarioa da. Bilbon bizi eta lan egiten du. 2006an Arte Ederretan graduatu zen eskultura espezialiatean. Tailerren eta mintegien bidez trebatzen jarraitu da hainbat artistarekin, hala nola: Itziar Okariz, Inazio Escudero, June Crespo, Elena Aiztkoa, Idoia Zabaleta, La Ribot, Aimar Perez Galí, Nilo Gallego, David Bestue, Jaime Conde-Salazar, João Fiadeiro, Claudia Dias, Gary Stevens, Vera Mantero… Bere lana museo, galeria, antzerki, jaialdi, eta zentroetan aurkeztua du, hala nola Tabakalera, Nafarroako Museoa, Uharte Zentroa, Rekalde Aretoa, Pradillo Antzerkia, Zarata Fest, Inmediaciones Jaialdia, eta La Estrategia Doméstica, besteak beste. 

Bere azken lanen artean Natura Morta (Uholdeak – a la mesa/mahaira, Aoiz 2019. Maria Ozkoidi komisarioaren erakusketa). W-B B-W (“Emen hetan Witchy Bytchy Ding Dong it ‘s Sabbat Time“, Huarte Zentroa, 2019. Julie Laymond komisarioaren erakusketa). BIDIMENSIONAL (“Yo, La Peor de todas“, Nafarroako Museoa, 2017. Maite Garbayok komisariatutako erakusketa), Lectura (“True in my body“, Tabakalera, 2016. Anarchivo SIDA erakusketaren barruan, Aimar Arriola, Nancy Garín eta Linda Valdések osatutako Equipo re taldeak komisariatua) eta Échale la culpa I, II y III (BAD Jaialdia, 2014).

2012az geroztik, Isaak Erdoizarekin batera La Cosa en Casa antolatzen du, hainbat diziplinatako artistak beren lana etxeko testuinguruetan erakustera gonbidatzen diren topaketa. (Bilbo)

2016 eta 2018 urteen artean, Tabakalera Taulara zikloko komisarioa izan da. 2018an “Trenza” erakusketaren komisarioa izan da Eremuaken HARRIAK programaren baitan. (Gueñes eta Ea, Bizkaia) 2018an, Ghislaine Verano P.I.G-P.I.C (Pentsamendua, Ikerketa eta Gorputza – Pensamiento, Investigación y Cuerpo) elkartearekin batera, topaketa bat antolatu zuen Uharte zentroan (Nafarroa). P.I.C.A taldeko kide da, Azalak bultzatutako (Imaginación Colectiva en procesos de creación Artística) programan. Artistak eta ikertzaileak laguntzeko programa trinkoa. Praktika artistikoan oinarritutako ikasketa-programa. (Lasierra, Alava-Bilbo-Iruñea)

Conexión Hemisferio topaketan parte hartzen du (Encuentro para el Diálogo Creativo y Permanente entre Pares), Bogotan eta Madrilen egiten den topaketa, Espainia-Kolonbia 2018-2019 Foco-aren esparruan. Espainiako Kultur Ekintzaren laguntzarekin, AC/E eta Kolonbiako Kultura Ministerioaren arteak eta kultura nazioartekotzeko ekimen gisa.